CLICK HERE FOR THOUSANDS OF FREE BLOGGER TEMPLATES »

Sunday, June 22, 2008

باظت:(

مبدئيا انا طلعت ناجحة فى التدريب الصيفي بتاع السنة اللى فاتت..يعنى مش هضطر اعيده السنة دى تانى..بقالى سنة ناجحة فيه ولسة عارفة انهاردة:)انا قلت خير والله..اول مرة انجح فى حاجة من غير حضور ولا تسليم لوحات
عملنا مشاوير كتير اوى..صحبتى حجزت كورس تفصيل..ناوية تتعلم خياطة:)وانا حجزت كورس انجلش..واشتريت سماعة جديدة بدل اللى باظت امبارح
كنا زهقانين اوى..اقترحت علىصحبتى تيجي معايا اوريها شعري..والميكب الجديد:)فاضيين بقى
قالتلى ماما ماتعرفش وماقلتش بس مش مشكلة هاجى معاكى ومش هقولها..
قلتلها لو حصل حاجة قوليلها ان انا تعبانة شوية انهاردةودى الحقيقة..حسيت بشوية هبوط
بس مش الحقيقة انها جاية معايا علشان حسيت بهبوط:)
المهم جت..وقعدنا شوية مش كتير..واتصورنا..موبايلها بايظ وراحت تصلحه ومكنتش عايزة مامتها تعرف
طول الوقت ده مامتها بترن على الموبايل وهو مقفول
بعد ماهى روحت من عندى
طنط اتصلت
واختى الصغيرة ردت
:(وياريتها ماردت
طنط هىكانت هنا ولسة ماشية حالا
:(
فى لحظة كل اللى اترتب باظ
وهتضطر طبعا تقول انها بتصلح الموبايل علشان يبقي مبرر لأنه مقفول
وانا حتى ماقدرتش اتصل انبهها وهى مروحة علشان موبايلها

:(

انا بجد كل اللى قصدته اجيبها اخليها تروق شوية...بس شكلها هتبوظ اكتر
ربنا يستر
وطنط ماتتهورش

6 comments:

Unknown said...

سمر..
صاحبتك غلطانة على فكرة
:)

Outsider said...

أه غلطانة
:D

Doaa Ebrahim Aaql said...

إزيك يا سمووووره

مبروك اولا على البلوج الجديد

عارفه انا المواقف البايخة اللى بتحصل دى
فكرتينى بأيام الثانوية العامه
يااااه
كانت فترة رخمة
كان معمول عليا حظر تجوال بسبب المذاكرة
وكل الترفيهات مش مسموح طبعا بيها
وكل شوية يصدر فرمان
والتأخير ممنوع

غصب عنى كنت ساعات بعمل كده
:D

كلام فى سرك يعنى

ربنا يستر وميطلعش بابا عامل مدونة

المهم انى كنت كل مرة اتفقس
مع ان كل حاجة ماشية تمام ومظبطه مع البت فاطمه صاحبتى
ومحفظاها هى هتقول ايه
وانا هقول ايه لمامتها

ونيجى زى الجردل
نقول على كل حاجة

تلاقينى مثلا قلت على غفله كده
مرة واحده مش فاطمة قالت لى كذا ياماما
...

مثلا يعنى

تقوم ماما تسأل طبعا
هو انتى شفتيها فين النهارده؟

ميجيش فى بالى اقول لها مثلا
كلمتنى فى التليفون
ولا اى حاجة

لأ اروح مبتسمه كده

:D

واقول على كله

.....


ساعات كتير كان الموضوع بيقلب بضحك


خلتى صاحبتك تجرب الطريقة دى
يمكن طنط تتقبل


وعاوزة اشوف الصور
ماليش دعوة

Smr said...

شوشو
انا كمان غلطانة ياشوشو
وطنط غلطانة
واختى غلطانة
كلنا غلطنا علشان نعمل الغلطة الجماعية دى
:)

Smr said...

جودفازر
ازيك واهلا بيك
:)

Smr said...

دودو
انتى فين يابنتى اجى اجيبك من بيتك يعنى
:)عاش من شافك

الله يبارك فيكي وعقبال بتاعتنا سوا
:)لو باباكى عامل بلوج هتلاقيه عامله بأشتراك مع بابايا
:)وبابا صحبتى بالمرة علشان تكمل
ونصيحة منى بلاش تشوفى الصور
هتلاقى اورة..وشفايف..وعيون
كل واحد فى صورة لوحده
وشعر منكوش
وروج احمر
:)