CLICK HERE FOR THOUSANDS OF FREE BLOGGER TEMPLATES »

Saturday, July 5, 2008

وحشتوني جداً








صحابي..


وحشتوني جداً جداً ..


وحشتني بورسعيد ..


وحشتني شلتي الكبيرة ..


الاسبريسو في جيانولا مع موس الشيكولاتة


و الكلام الكتير .. عن لاكلية و الناس و المذاكرة و الوقت اللي بيضيع .. و الخوف من مشروع التخرج اللي ماعملناش فيه اي حاجة ..


............


زيزي ..


وحشتني جداً حالة الإحباط .. اللي كنا بنمر بيها سوا من الدراسة ، لما كنا بنطلع على طرح البحير و نشرب ميلك شيك شوكولاتة .. و نقعد نتكلم و الشارع هادي في الشتا .. و الجو بارد .. ماكانش بيبقى في زحمة .. مجرد انا و انتي و البرد و الحكايات .. ساعات كنا بنضحك من شدة اليأس بنسخر من حالنا و من حياتنا و بنقول لنفسنا و بعدين ..


و نقعد نعمل جداول مذاكرة .. و برضه نشيل نفس المواد ...


هههههههههههههههه


وحشتيني جداً...


..............


ريهام النحاس ..


وحشني أوي ادمان التفاح :)


فاكرة ادمان التفاح ؟؟


كنا بناكل تفاح بكميات فظيعة .. ايام مشروع التخرج انا و انتي ، فاكرة الرز بلبن ؟ و المهلبية ؟؟


فاكرة لما كنا نقعد في البلكونة نتكلم .. و نحكي .. و بعدين نلاقي الفجر طلع و احنا لسة مصليين العشا ؟؟ و ماحسيناش بالوقت ؟؟


وحشتيني أوي ....


...............


سماح أبورحاب..


انتي بقى بالذات .. ليكي عندي غلاوة كبيرة اوي اوي ..


فاكرة الساندوتش اللي ألفناه أنا و انتي ؟؟ فاكرة الحشري؟؟ و آليك بولدوين .. ونخاشوشو ؟؟


فاكرة ايام رمضان البرنس ؟؟ فاكرة الايس كريم في المعدية و الدنيا برد ؟


فاكرة لما كنت باتكعبل كتير و انا لابسة كعب و كنتي تضحكي عليا ؟؟


ههههههههههههه


فاكرة يوم ما وقعت و رحنا المستشفى ؟؟ وحشتيني بجد بجد بجد


...............


أم يوسف..


فاكرة الوصفية ؟؟


فاكرة اللي انا عملته ليلة امتحان الكيمياء لما كنا في اعدادي ؟؟


فاكرة العصيرفي موقف الاوتوبيس ؟؟


انتي بقى اكتر واحدة تعبت معايا و عرفت تقف جنبي .. فاكرة كنتي بتصحيني ازاي عشان اروح المحاضرات معاكي ؟؟


فاكرة محاضرات الصيفي ؟؟


و البوستر اللي في اوضتي ؟؟ اللي كان جنب سريري ؟؟


لو افتكرتي .. قوليلي انك افتكرتي .. وحشتيني .


...............


أبو آروى ..


فاكر الزبادو ؟؟


هههههههههههههههههه


فاكر لما ماكانش حد بيشرب زبادو البرتقال دة غيرنا ؟؟


فاكر اللوحة ؟؟ اللوحة اللي كانت نضيفة من تحت بس ؟؟


فاكر الطريق من المعدية لحد الكلية ؟؟


فاكر لما شرحت لكم البيزك ؟؟


و سافرت انا بعدها .. و بعدين قبل ما اسافر .. جبت لي زبادو عشان كنا في رمضان ؟؟


ربنا يوفقك يا ابو آروى .. و يبارك لك في أهلك و ولدك و مالك .


.................


أبو جنة ..


فاكر الصور الصغيرة ؟؟


فاكر كورس الكباري ؟؟


طيب فاكر كورس المساحة اللي في أولى ؟؟ فاكر لما المعيد سمى المجموعة دي مجموعة السيرك ؟؟


" إوعى إيدك "


" و الله يابني مانا شايف "


كنت حاقد عليا عشان امتحان الاستيل .. صح ؟؟


عشان انا تفوقت .. جبن فيه 56 من 100 و انت جبت 16 بس..


ههههههههههههههه


أبو جنة .. ربنا يوفقك و يبارك فيك


.................


الجدع ..


فاكر انتخابات الاتحاد ؟؟


فاكر ابو سمرة ؟؟


فاكر لما الدفعة بتاعتنا كلها فطرت في النادي في رمضان .. ؟؟


و لما قعدنا نلعب ..


فاكر كورس البيزك ؟؟ لما محمد خليل قال للمعيد نقسم البلد نصين .. انت رديت و قلت له ايه ؟؟


قلت له : " هو انت واقف في التجاري يا خليل "


فاكر لما قلت لك اني طالبة مثالية ..


قلت لي اه الطالبة المثالية اللي بترجع الساعة 12 بالليل .. عشان مش بتتأخر لحد 4 الصبح


هههههههههههههههه


...................


محمد خليل..


فاكر ايام المشروع ؟


لما كنت تنام جنب الشباك ؟؟


فاكر لما كنت ماسك ميزانية المشروع ؟؟


و عمرو كان بيقولك انت هتجوعنا خلاص .. مادام مسكت الميزانية نبقى هنجوع..


ههههههههههههههه


فاكر لما شريف صحاك من النوم في الكلية قلت له ايه ؟؟


لما قلت له : انت بتصحيني ليه ؟؟ هو انت مراتي ؟؟ مابحبش حد يصحيني


ههههههههههههه


أبو علي .. :)


ربنا يوفقك .




____________




الناس دي أجمل ناس عدت عليا في حياتي ..


و لو اقدر اعيد الزمن تاني ..


كنت هرجع تاني الوقت اللي كان بيجمعنا ..


حتى لو كان امتحان كباري او استراكشر .. :)


وحشتوني جداً..


4 comments:

Smr said...

ياخبر ياشوشو
اد ايه انتى مضحية
حتى لو كان امتحان كبارى او استراكتشر
يابنتى انا ابيع عمرى ومادخلش امتحان ستراكتشر تانى
نيييييييييفر نيييييييييييفر نيييييييييييييفر
بس بجد شوقتيني ادوق زبادو بالبرتقان:)
انا كيفية برتقان اصلى
بحبه حتى لو بونبونى
بس انتو مشاريع التخرج بتاعتكو ازاى فيها اكتر من حد؟
:)) من اللى قريته ده كان مفروض ترسمو على اللوحة علبة زبادو
وحبة شيكولاتة
:))ضحكيتني وانا مكتئبة
خليتيني افتكر حكاكا وفوكس وابولو
هكتب عنهم بوست
:)

Moustafa` said...

بموت ف الحكي اللى هنا
ذكريات عديده
أشخاص كتير قابلناهم ف مشوار الحياه
منهم اللى ترك فينا علامه
وفيهم اللى عدي واتنسي
بس بجد بوست حلو كده ودسم
البلوج ده ناجح جدا
سلااام
اه مبروك التخرج وعقالبا لحايه العمليه

Unknown said...

و اله يا سمر ..
سيبك من صاحب الزبادو :)
خليكي في الباقي ..
___________
مشاريع التخرج بتاعتنا
كانت بتبىق كبيرة .. زي اقامة منشآت على ترعة ري عامة مثلا دة كان مشروعي انا كنت واخدة مساحات الري بالرش و التنقيط ..
:)
فالمشروع بيبقى كبير .. لازم تكونوا اكتر من حد
..

Unknown said...

ساجي ..
زبون جميل انت و الله :)
دايما رافع روحنا المعنوية ..
روح يا شيخ ربنا يبارك لك