CLICK HERE FOR THOUSANDS OF FREE BLOGGER TEMPLATES »

Sunday, September 14, 2008



احنا كبرنا..تقريبا الوقت ده عدى فعلا....من 5 سنين اتعرفت على شوية زمايل فى موقف مكنش مفروض اكون فيه....مش بتاعى يعنى
وحصلت الحصايل...واللى باقى من الشلة دى..الناس اللى كانو مش مفروض يكونو مع بعض
المهم ان طول الفترة دى..بعتبر ان احنا مش صحاب ومش زمايل...مبدأتش احس ان احنا بقالنا 5 سنين عارفين بعض غير لما بدأنا نتفرق
الحاجة التانية اللى بستغربلها اوى...مدة العلاقة....قليلين اوى اللى اعرفهم من فترة طويلة....كل حد بياخد نصيبه من التجربة معايا وبيختفى بدرى بدرى...
مش عايزة اقول كانت ايام جميلة...بس دلوقتى الايام غريبة بالمقارنة بيها
كنا لسة عيال شوية وبنضحك بهبل...وكنا جامدين ومتشردين...كان عندنا طاقة مش باقى منها حاجة دلوقتى...ومش عارفة ايه السبب فى كده
مش عارفة حكمنا على الناس بيكون صحيح بصورة مطلقة ولا نسبي...ناس منهم..معروف عنهم انهم عيال اى كلام...بس مافيش ولا موقف حصل معايا يدل على كده
بالعكس...كانو بجد جدعان
مش عارفة بقى هما اى كلام وجدعان بسبب الظروف ولا بسبب صفة شخصية
بحس بفقدان للمعانى....وبعدم قيمة اى حاجة....الدنيا بتنتهى بسرعة وعلى غفلة.مابنلحقش نشبع منها...وساعات المعنى بيضيع علشان مابيكونش موجود من الاول...واحنا اللى اتخيلنا وجوده
كنت بتخيل ان الهدف من العلاقات وان احنا نقضي وقت مع بعض....هو البقاء...الاستمرار فى كده...او التمهيد للأستمرار
دلوقتى بس اتعلمت اقضي الوقت علشان استمتع بيه..فى لحظتها..علشان مهما كانو الخمس سنين اللى بنعيشهم طوال او قصيرين..هيعدو
واحتمال مانلحقش نودعهم....يتخطفو يعنى
ساعات بشك ان اى معنى حلو...واى احساس...مخلوق علشان يعذبنا فى النهاية...اى علاقة كويسة فى نهايتها بتبقي مشكلة كبيرة
واى وقت جميل فى نهايته بيقتل جمال الوقت اللى جى
الله اعلم بجد
انا حتى ماكتبتش ذكرى لأى حد فيهم...ومعنديش ولا صورة...حتى اليوم اللى تعمدت اخد فيه الاوتوجراف بتاعى...ماقدرناش نتجمع
بعد كام سنة ..هنفتكر اللى فات ده..على انه حلم...صور باهتة..فيها وشوش مش واضحة ونبرات صوت منسية...وتخيلات
مى.ايمان.ريهام.سالى.مى.ياسمين.ايمان.سمر.سمر.ان.بهاء.حسام.رضا.سيد.هند.دينا.امنية.سما..دعاء.خلود.سارة.اسامة.احمد.احمد..رشا."مها"
مفضلش منا غير انا وهند وبهاء
وحبة حكايات
وبهاء اتخرج ودخل الجيش..وعلى حد تعبيره"احلامه كلها اتحطمت"...

ـــــــــــــ

كل سنة وانتو طيبين ياجماعة...ويارب حياتكم الجية تكون اجمل...كانت فترة مميزة اللى عرفنا بعض فيها...وعمرها ماهتتنسي

7 comments:

Anonymous said...

wow, very special, i like it.

Anonymous said...

i think you add more info about it.

Anonymous said...

ok. I found an information here that i want to look for.

Anonymous said...

very cool.

TucuMala said...

im fron argentina, i was very nice see (never read) your blog!

Anonymous said...

what happened to the other one?

Anonymous said...

what happened to the other one?