CLICK HERE FOR THOUSANDS OF FREE BLOGGER TEMPLATES »

Tuesday, August 12, 2008

مبحبش اسيّح للناس...رغم ان التسييح فى اوقات كتير يعتبر احسن رد فعل...زى ضربة القلم كده لما تطرقع على خد حد..بيبقي احساس ظريف للطرفين
بس غالبا بنيجي فى وقت اخير رغم محاولتنا الكبيرة للتستر على المتسيّح له...ان احنا بنسيحله فعلا...بس المشكلة ساعتها هتبقي فى ردود افعال الناس اللى هيشوفو ان الريأكشن بتاعك مش مناسب للموقف...واللى مع الوقت هيتحطو فى موقف هتضطر ساعتها تجيبلهم القديم والجديد
بكره اوى الستاير...وبكره الولاد الى بيحبو الستاير برده....وناس كتيربتكره السجاير والستاير...وبتكتب شعر...وبتعمل مدونات رقييييقة مرهفة الاحاسيس
:هقلكم مثال على كلامى
واحد دخلى الماسنجر من كام يوم....كان عامل اوفلاين......هو اكيد مش اى واحد....بلوجر ناشط ورايتر كمان....ولما قرا العبارة اللى كنت كاتباها قدام اسمى اتفضل عليا وكلمنى
ها مالك بقى ياستى_
المهم وبعد حبة كلام وصلنا لمرحلة ان احنا لازم نتقابل.....بناء على تحليله الفذ
تعاليلي القاهرة يوم وانا هوريكي اللى عمرك ماشفتيه_
ايه هتضربنى؟؟_
!!!وده ينفع برده...لا هدلعك_
هيدلعنى ياجماعة
المهم فضل فى محاولاته انه يدلعنى...وانه يقنعنى ان انا محتاجة احب واتحب
ياسلااااام...الدنيا مليانة حب والله وانا محتاجة اتحب
"وفى الاخر اتم حديثه ان دلعه مش اى دلع...".مفروض نقدمله ورقه فى وكالة اعلانات...اعلان عن الدلع مثلا
واتارى ايه بقى ياجماعة بعد الهم ده كله.....الراجل طلع بيهزر
وكان نفسه بس يضحكنى
ولما حس انه ضحكنى كفاية..قفل
:Dاكيد ربنا هيجازيه خير على جرعة الفرفشة اللى بيوزعها على خلقالله
بس نسيت انصحه يعمم نشاطه الخيري...بالدلع...ومايخليهوش محصور بس على البنات اللى شاف صورهم..ومايشترطش وجود صورة فى حالة مماثلة
ربنا يقرفك
ـــــــــــــــــــــــ
واحد تانى من محبي الاعمال الخيرية....بيرشيني
يعلق تعليق مثلا...ويجي يقلى عجبك؟؟طب وريني صورتك
يقلى ياااه ده انتى بتكتبي حلو اوى..طب وريني صورك
انتى كمان من الزقازيق....طب والله بتوع الزقازيق مبدعين اوى...وريني صورتك كده؟؟
وفى الاخر اتفضل وقفل فى وشي الماسنجر
"ولم يظهر منذ ذلك اليوم"
وعلى فكرة عمو ده تقريبا ادى مرتين..موكوس
ـــــــــــــــــــــــ
فى واحد تالت بيعاقبنى
وقالى بصراحة عندما جرح مشاعرى انه هيتخلى عن صداقتى وهيعملى بلوك...علشان مرضيتش اوريله صورتى
رغم انها صورة عادية
اصله بيكره المنقبات...وبيحس ان البنات اللى مابيعرضوش صورهم زى المنقبات
"على حسب تعبيره"هتخبو ايه ياحسرة
طبعا انا اتدمرت نفسيا بعد الموقف الاليم الكليم ده...وعرضونى على اكتر من طبيب نفسي فى جميع انحاء المعمورة علشان اتجاوز المحنة اللى حطنى فيها بسلامته
"واحب اوجهله رسالة من موقعى هذا"جتك نيلة يافندم
ــــــــــــــــــــــــــ
غير بقى اللى تلاقيه بيتعامل بمنتهى الرفرفة الانسانية....وهو برة قرد مثلا
واللى بيطلب رقم التليفون بمنتهى الخجل ..لدرجة ان الواحدة ساعات بتحس انها نفسها تديله الرقم تطوعا
واللى مثلا يجرب مرة....ويبعت صحابه ياخدو حظهم من التجربة السعيدة...تلاقى كده حوالى 6 ايميلات عاملينلك ادد فجأة وكلهم بأسم
مثلا MEDO LOVE
ـــــــــــــــــــــــــــ
انا بكره النصب بصراحة...وده نصب...وبكره اوى الغباء....ومافيش اغبي من كده
وبكره كمان اللى فاكرين نفسهم حاجة....وبكره الستاير برده
وفى الاخر تلاقيهم عاملينلك حملة زى اللى على الفيس بوك مثلا بتاعة لسة فيكي رجالة يامصر....وتدخل على الجروب ميمبرز تلاقى مين بقى
كل الاشكال العقيمة دى....واللى حاططلك بادج فى البلوج بتاعه...واللى كاتبلك اية دينية....
بجد بجد مش عارفة انتو طايقين نفسكو ازاى

8 comments:

ساجي said...

بحب أقرالك ف التلطيش بجد
اشطه التسييح أنا اعرف أن فيه نوعيات تعبانه مله . بس معقول للدرجه دي بتوصل
---
انا مش بحب الستاير بس بدخل اوفلاين علطووول ..وريني صورتك بقه ها ؟؟
وربنا حاجه تفقع المراره ؟؟
---
السؤال هنا بجد هو انتي ليه بعد كميه العته المنغولي دي كلها سايبه ميلك للرعاع يضيفوه .. وعل الفيس بوك كمان
مش المفروض يبقي فيه فلتره للصفوه ولا من باب بشوف أخر اللي قدامي والثقه الزايده بالنفس
او امل ف صداقه نقيه تشيل الاعتقاد اللي بدأ يتكوب ببطئ عن ان الدنيا خربانه والست مرجانه
---
بجد البوست كيفني . دمتي بكل ود
سلام

ساجي said...

اه صحيح هو انتي عندك ميل عل الياهو
---
أنا حذفت الهوتميل . لو ممكن تضفيني معاكي ميلي أكيد
---
مش شحتفه والله ولا برشيكي انتي عارفه
اني واي انا بستمتع ف جو الكومنتس أكتر م الشات بلا فراغ
وش يو أول جود وزاوت شخصيات مريضه

سمر said...

ساجى بالعربي
:)ازيك يافندم بقالك فترة مختفى ومكتئب وكل حاجة
ههههههههه ضحكتنى جدا وانت بتقول بحب اقرالك فى التلطيش
:))هههههههههههه
والله فعلا حاجة تزعل كمان..خاصة ان فى ناس بتكون كويسة..او مفروض انهم كويسين يعنى
الاجابة على السؤال
انا قلتهالك مرة لما ضفتنى على الهوت واتكلمنا
انا بضيف الناس وبعمل بلوك بعد كده..على الفيس بوك برده..بضيفهم وبمسحهم من عندى
وسايبة الايمل من الاساس للتواصل وعلشان لو فى عنده رأى عى حاجة

يعنى مابتوقعش الوحش وارفض الادد...وغالبا بتكلم مرة مع اى حد بيضيف بقرر بعدها احتفظ بيه ولا اتخلى عنه
مش حكاية ثقة بالنفس بقى ولا بحث عن الاصداقاء
مبحبش بس ابدأ برفض لحد شاف ان انا متميزة او وحب يتعرف عليا
ـــــــ
اكيد عندى ميل على الياهو...
هههه لا مش معايا ميلك والله لأن انا كمان عملتله ديليت
ومسحتك من الفيس بوك
:))اكيد مش شحتفة ولا حاجة انت الليتل برذر بتاعى
ـــــ
اكيد الكومنتات احسن ومختصرةاكتر
وغالبا هنكتفى بيها
وانا كمان بستمتع بالرد على تعليقاتك جدا
واتمنالك فعلا انت كمان كل الخير
بس ماتبقاش تغيب كتير
:)
باى

ساجي said...

يااااه انتي خليتي فيها ليتل برذر بقه
جالك قلب تقوليها
مسحت وديليت
قطعتي قلبي انتي موش عارفه أنا مدمر نفسيا دلوقتي ..ياخبر
----
أقولك سيبك من بق الشحاته الي ناقصه منديل ده علشان يبقي مسطره من أفلام الأبيض والأسود . باب المره المكسوره
----
هنقضيها كومنتات أحسن
لاني مش ف حمل أني اخاطر وأسيب ميلي عل العام كده ليتخطف
انتي عارفه أنا مرتبط
---
بجد كومنتك أسعدني جدا حسسني كده
إن ليا فعلا أخت كبيره اسمها سمر
وبتعزني وبينا احترام متبادل
it's not abig deal
--
اتفقنا أكيد يلا سلام وكلمه على جنب كده ..كوني جنب شيماء اكتر من كده
واضح غنك ف مود حلو وده غريب وعجيب
بس الفاضي يكب ف المليان واحنا لبعض ف الإكتئاب بردو ولا ايه ؟؟
سلام حبه رغي صحيح
مدونه ساحره بعقل ف جو الألفه والأسره اللي فيها . أنا بعشق سطورها والتمبليت ناقصها بس موسيقى خفيفه كده من بتوع الاخ ياني
---
: D
تصبحي على خير .. واحده شبهي مش بفوت بوست بس بقضيها سكوت
مستواكي بقى ف السما بجد
ربنا يوفقك لكل خير يا ماي سيس

قهوة بالفانيليا - شيماء علي said...

هههههههههههههههه
و الله ضحكتيني اوي اوي
و خصوصا جتك نيلة يا فندم دي
عسل يا سمر
و الله عسل
:)

سمر said...

ساجى
ههههههههه
والله كنت عارفة انك هتنورنى تانى
:D
ليتل برذر يعنى اخويا الصغنون
مش انت اخويا الصغير برده
:))
معلش ياساجى انا بمسح فى مرحلة اللاوعى
اعذرنى
:)بس انا هكدب يعنى دى الحقيقة
وماتنساش ان ده كان بناء على رغبة منك فى اعتزال النساء..وحتى لو تفتكر كتبت يوميها فى البروفايل بتاعك
"بكره الستات"
صح:D?
انا مبقطعش حاجة
ماما قالتلى ماتقطعيش قلب حد ياسمورة علشان محدش يقطع قلبك
:))
اكيد هنقضيها كومنتات..انا عارفة:D
بس ماتخفش على نفسك لو حطيت الميل
الناس كلها مرتبطة دلوقتى:))
بس انت تقريبا كنت مرتبط برده وحاطط ايملك
:Dشكلك اتقفشت مرة
انا كمان سعيدة جدا بالرد على كومنتاتك واعتبرنى دايما اختك الكبيرة
:)
بالنسبة لشوشو
مش هتوصيني عليها
دى اول فرحتى
:Dمش بيقولو كده فى الافلام العربي؟
يابنى انا وشوشو وحدة لا نتجزأ...ولو حصل وتجزأنا لازم نرجع تانى
هى عارفة اد ايه انا بحبها وبخاف عليها وبدعيلها
وبجد لو معايا فلوس كفاية اعمل رحلة للكويت علشانها هروح
يمكن ربنا يكرمنى بشغلانة
وكمان علشان ادوق اكلها
:D
امممم كمان لاحظت ان انا بحب يانّى
:))جميل
انا فعلا فى حالة جميلة بحبايبي وصحابي وربنا فى الاول وفى الاخر
:)واخواتى كمان ياماى ليتل برذر
شكرا على متابعك لواحدة شبهى
انا عارفة انك متابعها كويس
:)واتمنى افضل فى مستوى كويس من الكتابة طول الوقت علشان مانتحرمش من زياراتك الخفية
وانت من اهل الخير:))
ومنور

سمر said...

شوشو
ههههههههه
شفتى




حاجة تشل يابنتى
:))

will said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍