CLICK HERE FOR THOUSANDS OF FREE BLOGGER TEMPLATES »

Friday, September 25, 2009

نفس المكان .. من غير اي كذب

نفس المكان
نفس البحر
نفس الوقت
نفس الجو
نفس الترابيزة
كل حاجة زي ماهي
و مشيت نفس المسافة
عند نفس الشجرة
مؤامرة بحتة ضدي
ذكرى لأكبر كذبة في العالم
الفرق الوحيد ان مفيش ديوان
و مفيش الاعيب مثيرة للشفقة
و مفيش هو
مش حاسة بأي وجع بس افتكرت أعتذر لنفسي
مفيش اي مشاعر حسيت بيها او حنين او اي حاجة
انا استغربت
ازاي بعد كل دة اروح نفس المكان و ماحسش بحاجة
المفروض زي ما كل الناس بتقول
اني اتوجع
و اتألم
قعدت استنى اتوجع او اعيط او اي حاجة
بس ماحصلش
قعدت بضحك مع صاحبتي و اقولها المكان دة جميل
هي بتقولي ايوة انا بحبه
هي متعرفش نوع الذكرى المرتبطة بالمكان
انا افتكرت كل حاجة بس نسيت المشاعر
نسيتها بجد
فرحت اني قدرت انسى بعد ما عدى وقت طويل ماكنتش قادرة انسى فيه
فعلا سبحان الله
البني آدم بيتغير و بينسى
و انا نسيت
دة انا نسيت !!
و بعدين لقيته نفس الولد اللي قدم الطلبات قبل كدة
هو هو
كان ناقص يسألني !!
البحر لسة في مكانه
و الموج لسة في مكانه
و الناس بتروح و تيجي
و ضحكت على سذاجتي لما صدقت
و على غبائي لما اتنازلت
ياااااااااااه
الله يرحمها شيماء
كانت غبية
و ساذجة و بتصدق

1 comments:

حياه وبنعشها said...

بوست تحفه تسلم ايدك