CLICK HERE FOR THOUSANDS OF FREE BLOGGER TEMPLATES »

Sunday, July 6, 2008

موقف

انهاردة ركبنا تاكسي..الراجل اللى كان فيه قبلنا كان متدايق اوى انه مضطر ينزل من مكانه ورا علشان انا واختى نركب..هو نزل خالص ومشي بسرعة..بعد بصة قرف بسيطة
كان نازل محطة القاهرة اللى فى الزقازيق....احنا كملنا طريقنا مع التاكسي..سمعنا رنات صغيرة فى وسط موسيقي المولد اللى السواق كان مشغلها
اختى لقت موبايل..مبعجر نوكيا..معرفش نوعه..السواق رد
كان اخينا اللى نزل قرفان ومستعجل..ناسي موبايله:)
المهم السواق اتفق معاه..ينزلنا الاول...ويرجع يقابله فى مكان واضح ان صاحب الموبايل مش عارفه..بما انه مش من هنا اصلا..
كان ممكن اوى السواق يعدى على المكان ده واحنا معاه..بس هو قرر يلف لفة كبيرة علشان ينزلنا الاول قبل مايقابل صاحب الموبايل
طبعا دى حركة معجبتناش
المهم اخترعت حجة ان انا لازم لازم اشترى جرنان من الكشك اللى قدام المحطة..يعنى عند نفس المكان اللى هيتقابلو فيه...واختى طبعا فاهمانى بدأت تعمل معايا السيناريو
اف نسيت اجيب الجورنال
_يعنى مش مركزة..طيب هتجيبيه منين دلوقتى اكيد كلهم قفلو
لا اللى عند المحطة بتاع توزيع كبير اكيد فاتح..كنت بجيب منه المسائي
طبعا ده مش صحيح
يعنى هنرجع تانى
معلش انا اسفة ياعمو..عمو...
اعملك ايه يعنى ياابلة
هنكمل معاك للأخر معلش
:))
ضحكة رزالة
سواق التاكسي طبعا فاقس اللى بيحصل
قعد يقول ماينفعش اركن هناك هناخد مخالفة
بيحاول يقنعنى انزل بدرى شوية..:)بس على مين
المهم وصلنا للمكان..ندور على الراجل اللى ناسي موبايله...والناس زحمة رايحة وجية....لقيته
-انت اللى ناسي موبايلك
بص رقم التاكسي كذا...وكمان هو راكن فى الاتجاه ده..
وقفنا فى ركن..شفنا الراجل وهو راجع بالموبايل
وشفنا السواق وهو بيتحرره مخالفة
:))
بس روحت مبسوطة باللى عملته..واعتبرت ده نوع من كرم الضيافة لصاحب الموبايل الغريب
حتى لو كان شكى طلع على مافيش فى الاخر

2 comments:

S@G! said...

طب وذنب السواق الغلبان ده ايه
---
مش كان بردو هيرجعه ليه
ولا خفتو يضرب عليه يعني
---
تصرفك غريب بصراحه ومش بالعو
المفروض يبقي فيه ثقه شويه عن كده
---
ع العموم مبسوط انك اتبسطتي من تصرفك
رغي ف الصميم
سلااام

Summar said...

:)
ازيك يامصطفى
انا معملتش حاجة فى السواق
كده كده هو اللى اختار مكان الركنة
وكده كده لو كان راح لوحده كان هياخد مخالفة
انا بس حبيت اتطمن ان الموبايل هيوصل لصاحبه
ومش مفروض يبقي فى ثقة فى حد معرفوش
:)دى مفروض تتعلمها
الثقة ليها حدود
وكمان مش من حقى اثق فى حد..لما الموضوع يتعلق بحاجة مش بتاعتى
دى امانة
:)..انا فعلا اتبسطت
اشكرك على رأيك
:)ومنور