CLICK HERE FOR THOUSANDS OF FREE BLOGGER TEMPLATES »

Thursday, July 17, 2008

ياه ياجماعة

ياه بجد...نفسي اقول ياه كتير اوى

اولا من البرد اللى عندى

او التعب او الانفلونزا المملة

احساس مش ظريف ابدا انك يجيلك رغبة فى النوم وماتقدرش تنام علشان ماتتخنقش وتفطس...فى حين ان باقى الايام اللى من غير تعب...مابتقدرش تنام بسبب الارق

يعنى دلوقتى انا عايزة انام من التعب ومش قادرة بسبب حاجة غير الدلع

ربنا يقرف

ــــــــ

الياه التانية بقى..برده على التعب

البرد مش بس بيعمل عطس فى المناخير ودوخة وبيبهدل الاحبال الصوتية
ويخليك تتكلم زى الاسد..ومناخيرك زى الحيوان اللى بيشفط النمل..ولا عينك زى الباندا
فقط

بيعمل تعب غريب فى الغدد اللى على الخدود..وبيعمل تعب فى اللوز حتى لو كنت شايلها

وبيعمل تعب فى العضم...اللى قررت اخيرا اشيله واركب بداله بقسماط بالسمسم

ربنا يقرف برده

ـــــــ

الحالة التالتة

افتكرت احساس

هو مش حنين

نفس احساسك لما تشوف فيلم لتانى مرة...وانت مش متأكد انك شفته قبل كده

انا بتفرج على الفيلمين لتانى مرة

مرة اتعمل فى دماغى وشكيت..واديه بيتحقق بالحرف

بالحرف

والتانى...بيقلد الاولانى...بس الفرق ان انا شفته قبل كده فمش هتفاجئ كتير

بس مقدرش امنع نفسي..بين كل لحظة يعلى فيها التون..ان انا اقول ياااه

ياه فعلا

ـــــــ

كنت معتقدة بفترة طويلة ان الحب حاجة جميلة...وده ماتغيرش

كنت معتقدة ان انا اقدر اتحكم فى مشاعرى..وده اتغير نسبيا

وكنت معتقدة ان انا مقدرش اعيش من غير ناس معينة..وده اتغير كتير

وكنت معتقدة برده ان الوقت تأثيره...مش ممكن يأثر فيا...وده الى اتغير تماما

الوقت بيأثر فيا

واقدر اعيش من غير حد

ومش كل الوقت بتحكم فى مشاعرى...حتى لو فى النهاية بتحكم فى الموضوع كله

ولسة الحب فى نظرى حاجة جميلة

ـــــــ



OOOOOOOOOOF

3ATSHOOOOOOOOOOO

OFFFFFFFFF AGAIN


& 3333333333AAAAAAAAAAAAA

ربنا يشفيني بقى

4 comments:

قهوة بالفانيليا - شيماء علي said...

سمر
:)
ربنا يشفيكي طبعاً..
و يكرمك و تعدي من دور البرد الصيفي البايخ اوي دة
.....
الحب حاجة جميلة جدا جدا جداجداااااا
و عذابه لذييذ اوي
بس يكون للناس الصح في الوقت الصح .
و ألف سلامة تاني

lyssandra said...

ألف سلامة عليكي يا سمر

دي أول مرة أقرأ حاجه كتبتيها

بس بجد تحياتي لك

تحليلك للأمور جميل .. وجهة نظر لا يمكن إغفالها

دمتِ معافاة


lyssandra

mirona said...

علي فكرة المفروض تقولي استغفر الله العظيم لان اللي قلتية فى حتة كدة حرام يعنى اية ربنا .......................

7amo2a said...

حلو الكلام ده
اللي فهمته ان
3atshoooooooooooooooooooo
دي عطسة ...
عموماً ... يرحمكم الله