CLICK HERE FOR THOUSANDS OF FREE BLOGGER TEMPLATES »

Tuesday, July 29, 2008

اد ايش..كان فى ناس
دى اغنية لفيروز..مش عايزة اكتب كلماتها علشان مش حافظاها
ممكن اقول كلام كئيب جدا يقرف اى حد بيقرالى بأستمرار...هيلاحظ نوعية الكلام نفسها مملة
وممكن اسرح بخيالى وارسم صورة جميلة لصورة جميلة تانية مفروض الناس تتخيلها رغم انها مش حقيقية


معرفتش اقول ولا كلمة...كل الفكرة اللى كانت مسيطرة على دماغى ساعتها
ان انا بكره البلد دى
لدرجة تكرهنى فى اى شئ يقترب للصفة المصراوية


تخيلو بقى الحالة اللى تخلى حد كل هروبه...للى بيهرب منه
وايه السبل اللى قدامه...وايه الاحتمالات اللى ممكن تكون...

والحكمة ايه من الوشوش الكتيرة اللى بنفتكرها...والوشوش الكتيرة اللى نفسنا نفتكرها ومش قادرين
ايه الحكمة؟

كان فى مكان بقضي وقت طويل فيه....بحبه...المكان ده اتهد دلوقتى..واتبنى مكانه حاجات تانية مالهاش اى صلة بطبيعة المكان الاولانى
وكل اللى دليل على وجوده حبة الصور الصغيرة اللى كانو ملزوقين على بابه الازاز...حتى ريحة البارفان اللى كانت فى الشريط الهدية..اختفت
انا بدأت اشك فى وجوده من البداية

1 comments:

Unknown said...

سمر
انا شاكة في كل حاجة يا سمر
انا حتى شاكة اننا ميتين اصلا و اللي بيحصل دلوقتي انه بيتعرض علينا شريط حياتنا !!
الله يكرمك ..
انا تعبانة خلقة :)