CLICK HERE FOR THOUSANDS OF FREE BLOGGER TEMPLATES »

Tuesday, July 8, 2008

كل قيمة بنعملها لحد..مش شرط تبقي قيمته الفعلية..هو مجرد احساس بتقل الحد ده او بوزنه
زى حد ضعيف..لو خليته يشيل 10 كيلو هيحس انها حاجة ضخمة جدا...ولو جبت حد اقوى شوية مش هيحس بنفس الضخامة
ساعات احنا كمان مابنحسش بحجمنا الحقيقي الا لو اتحطينا فى تجربة...مقارنة
يعنى انا مبقدرش انا ضعيفة ولا لا الا لو دخلت فى مقارنة مع حد اضعف او اقوى..او حد حتى اقدر اتغلب عليه..بغض النظر عن حجمه
التجارب بتعلمنا احنا ايه...بتعلمنا النقص فين علشان نقويه..
وبتعلمنا برده ان القيم اللى بنفرضها للأشخاص مش شرط تبقي قيمتهم الحقيقية...ده مجرد نظرة مقارنة مع صورة قديمة..او مع صورة خيالية من احلامنا
ـــــــــ
يبقي احساس مؤلم اوى انك تشوف حد على حقيقته...القليلة...بعد ماكنت بتعتبره حاجة كبيرة جدا وقيمة
حاجة تزعل فعلا..انك تشوف الوحاشة ..وتشوف النقص..بعد ماكنت حاسس بحاجة عبقرية جدا
مابيكونش احساس وحش على نفسك اد ماهو احساس وحش ليها...يعنى زعلان ليها علشان اتصدمت فى الحد القيم ده
او زعلان عليه علشان طلع وحش اوى كده
وعلشان كده لازم يكون عندنا حتة مكان صغنن اوى...للأحتمال...فى عدم دقة قيمة الشخص ده الفعلية
ومكان زيه...واده...لقبول...اى نقص فى القيمة
ده لو الحد عايزين فعلا نكمل معاه ومقتنعين بيه
لكن لو الحد مش كده..يبقي نلغى المكان التانى
ـــــــــ
غالبا الاحساس الاولانى بيكون ليه قيمة كبيرة جدا من المحصلة النهائية
ولا مرة حسيت بحاجة ناحية حد من اول انطباع وطلع ظنى غلط..بس اللى بيبقي غلط بقى..هو ياترى انا هقبل ده ولا لا
اتعلمت فى الاول اكدب احساسي وادى للأشخاص فرصة...وده علمنى اصدق نفسي اكتر
بس طبعا ده مش حكم الاول والاخير واكيد لكل قاعدة شواذ
ــــــــــ
برجع تانى برده وبعيد صياغة الجملة الاولانية
مش كل قيمة لحد بنعملهاله..هى قيمته الحقيقية
ممكن قيمته تبقي اكبر بكتير من ده
وعلشان احنا قليلين..ماقدرناش نشوف منه غير الجزء الضئيل ده
ـــــــــ
من الاخر قدروا الناس..
القليل بحجمه
والكبير بحجمه
ومش بس على اساس حكمنا الشخصي
لازم نبقي فير..وناخد بالنا من كل الظواهر..ومانسمحش لمشاعرنا انها تأثر على حكمنا والا هنبقي عاطفيين وغير موضوعيين
ـــــــــ

نكمل بعدين

4 comments:

S@G! said...

تمام اوي
بس فيه ناس بيبقي عندهم سنس بيعرفوا بيه الإنسان اللى قدامهم فروم الفرست كونتاكت
بس أولريدي بعد التعامل بتبان حاجات تقلل القيمه اللى ف التصور
--
اعتقد ان احنا بنغمي عنينا عن الحقيقه -رغم شوفنا ليها بوضوح - علشان عاوزين نعلي قيمه الشخص ده ف قلبنا
--
فعلا النظره تبقي عقلانيه بمزيج شعوري
مش بحته يعني
---
ولازم يبقي فيه براح لتقبل النقص
---
عاجبني البوست
تحياتي

Summar said...

اكد السنس موجود
بس مش مفروض نعتمد عليه كليا
وساعات زى مابتبان حاجات تقلل ساعات بتبان حاجات تعلى
:)تحياتى ليك

قهوة بالفانيليا - شيماء علي said...

سمر
كتير اوي .. بنبقى احنا شايفين غلط
عشان كدة بنقيم غلط ..
اصلا الزمن دة ..
بقت كل الحاجات فيه نسبية
حتى القيم المطلقة .. اتحولت لنسبية !!
حاجة بشعة !!

Summar said...

:)
صح
واحنا كمان خاضعين لنفس قوانين النسبية
:)
علشان كده عمرم ماهتلاقى اجابة مريحة